Shërimi Islam

Ajo që më shtyri  për të dalë me këtë faqe, për të diskutuar rreth realitetit të magjisë, janë disa faktorë. Do t’i përmendim disa prej tyre:
1. Përpjekja për të përmirësuar devijimet nga besimi i drejtë  islam tek shumë muslimanë të sotshëm shqiptarë. Duhet të kemi parasysh se  kjo temë fillimisht ka të bëjë me besimin-imanin, dhe se teprimi apo lënia mangët në këtë fushë bënë që njerëzit të largohen nga besimi i drejtë dhe shërimi i vërtetë islam.
Shkrimet e kësaj faqeje do të jenë të bazuara në studimet e dijetarëve të mëhershëm islam dhe atyre bashkëkohor, studime të cilat janë bërë nën dritën  e Kur’anit dhe Sunnetit dhe përvojës praktike në këtë fushë në mënyre që njerëzit ta shohin të vërtetën dhe të orientohen drejt saj.
2. Nevoja e madhe në kohët e fundit për të sistemuar dhe vendosur bazat e këtij shërimi tek ne (shqiptarët muslimanë) Shërimi nuk mund të ketë sukses përveçse me baza, rregulla, dispozita të çarta. Dihet mirë se çështja e shërimit islam është e ngjashme me çështjet e shkencave tjera islame.
3. Përhapja e sëmundjeve të cilat godasin shpirtin njerëzor siç janë: Epilepsia nga ana e xhinëve [sar’a] , magjia, hasedi-xhelozia dhe syri i keq.
4. Orientimi në një mase të madhe i njerëzve për t’u shëruar nga këto sëmundje në rrugë jo ligjore , me mjete dhe forma që janë në kundërshtim të plotë me mësimet e pastërta islame.
5. Orientimi i madh i njerëzve  për tek magjistarët, mashtruesit, falltarët dhe ata që ndihmohen me exhinë. Ky është një rrezik i madh për individin, familjen dhe shoqërinë tonë islame.
6. Sqarimi i mjeteve dhe metodave të drejta për shërimin e drejtë të bazuar në  Kur’an , Sunnet dhe tek selefi ynë.
7. Ngatërrimi i qëllimshëm  apo i pa qëllimshëm i gjërave tek shumë nga ata që i janë  bashkangjitur karvanit të shërimit dhe sqarimi i metodikës së vërtetë dhe të qëndrueshme që buron nga Kur’ani dhe Sunneti.
8. Largimin e shumë prej ideve  dhe botëkuptimeve të gabuara që kanë të bëjnë me shërimin dhe mënyrën e tij, të cilat janë të përhapura dhe qarkullojnë sot në mesin e shoqërisë tone dhe definimi i këtyre botëkuptimeve nga këndi i sheriatit islam.
9. Interesimi i madh i njerëzve për shërimin e ligjshëm islam dhe mungesa e një faqeje në internet ku njerëzit mund të orientohen dhe ta gjejnë atë që e kërkojnë.
10. Shërimi i magjisë dhe mesit prekjes së shejtanit ishte i kufizuar vetëm me magjistarë dhe mashtrues, saqë nuk ke kaluar, dhe nuk kalon, as sot e kësaj dite pranë shtëpive të magjistarëve perveç se do te shohësh një turmë  të madhe njerëzish që presin të shërohen nga ta. Dhe, në qoftë se i këshillon ti, ata i rrudhin krahët dhe thonë: Çfare të bëjmë? A ke ti ndonjë zgjidhje për shërimin e magjisë, apo ndonjë metodë për nxjerrjen e exhinit nga trupi i të sëmurit tonë?!
Ne këtë moment thirrësi islam ndeshet me realitetin aktual. Natyrisht nuk gjen një pergjegjje për këtë ,përveçse të thotë: [o Allah udhëzoje popullin tim se vërtetë ata nuk dinë]. Fatmirësisht, me gjithë realitetin e lartpërmendur deshi Allahu i Plotmëshirshëm që t’u vijë fundi këtyre errësirave të zeza të cilat i krijuan magjistarët, errësira të cilat filluan të zhduken nën rrezet e dritës së Kur’anit dhe Sunnetit. Doli në shesh shërimi me fjalët e Allahut të Lartësuar, fjalë të cilat  nuk mundi t’i përballoj as kodra e mali, e lere më magjistarët dhe magjitë e tyre të mallkuara.
E, kur sheh ti se si exhinët dorëzohen para Kur’anit dhe Sunnetit të Muhammedit alejhi selam , dalin nga trupat e njerëzve, dhe sheh se si magjia fillon duke e humbur efektin e saj, dhe shkatërrohet me lejen e Allahut, e kjo është një mirësi (shkatërrimi i maxhisë) që vetëm Allahut i takon merita, thotë Allahu i Madhërishëm: “Ndaj ,u zhduk mbeturina e fundit e popullit mizor, pra falënderimi i qoftë Zotit të botëve” . El-Enam-45